Visa fraud on social media: Arrest in Dubai
துபாயில் விசா மோசடி: பொது மக்களுக்கு முக்கிய எச்சரிக்கை!
துபாய் காவல்துறையினர் சமூக ஊடகங்களைப் பயன்படுத்தி போலி உம்ரா மற்றும் ஹஜ் விசாக்களை விளம்பரப்படுத்தி மக்களை ஏமாற்றிய ஒரு கும்பலை கைது செய்துள்ளனர். குறைந்த விலை, விரைவான செயலாக்கம் போன்ற பொய்யான வாக்குறுதிகள் மூலம் பலரை ஏமாற்றியுள்ளனர்.
போலி விசா மோசடியின் செயல்முறை
சமூக ஊடகங்களில் அடையாளம் தெரியாத கணக்குகள் மூலம் விளம்பரம். குறைந்த செலவில் விசா மற்றும் பயண பாக்கேஜ் வழங்குவதாக கூறல். பணம் செலுத்தியவுடன் தொடர்பு துண்டித்தல். பாதிக்கப்பட்டவர்களுக்கு எந்த வசதிகளும் வழங்கப்பபடவில்லை.
2023 & 2024 இல் நடந்த விசா மோசடி சம்பவங்கள்
🔹 2023: ஷார்ஜாவை தளமாகக் கொண்ட ஒரு பயண நிறுவனம் 150 பேரிடம் 3 மில்லியன் திர்ஹம் மோசடி செய்தது. பாதிக்கப்பட்டவர்கள் விசா, பயண ஏற்பாடுகளை எதிர்பார்த்திருந்த நிலையில், நிறுவனம் பணம் பெற்றுவிட்டு மறைந்து விட்டது. இதையடுத்து, ஏராளமான புகார்களுக்குப் பிறகு உரிமையாளர் கைது செய்யப்பட்டார்.
🔹 2024: “Dream Travel” என்ற பயண நிறுவனத்தால் ஏமாற்றப்பட்ட பலர், குறைந்த கட்டணத்தில் உம்ரா விசா வழங்குவதாகக் கூறி மோசடி செய்யப்பட்டனர். ஒருவர் 1,500 திர்ஹம் செலுத்திய நிலையில், நிறுவனத்தின் தொடர்பு டெலிபோன் எண்கள் வேலை செய்யவில்லை.
பாதிக்கப்பட்டவர்களின் அனுபவங்கள்
ஷார்ஜாவில் வசிக்கும் ஒரு விதவை தனது மகனுடன் ஹஜ் பயணம் செய்ய 130,000 திர்ஹம் செலுத்தினார். ஆனால் பயணம் நடைபெறாமல் போக, புகார் அளித்த பிறகு அவர் செலுத்திய தொகையில் வெறும் 13% மட்டுமே திரும்ப கிடைத்தது.
சாகிப் இமாம் என்ற ஒருவர் 20,000 திர்ஹம் செலுத்திய நிலையில், இதுவரை வெறும் 5,000 திர்ஹம் மட்டுமே திரும்ப கிடைத்துள்ளதாக தெரிவித்தார்.
2020-ஆம் ஆண்டு ஹஜ் பயணத்திற்காக வாடிக்கையாளர்கள் பணம் செலுத்தியிருந்தனர். ஆனால், கோவிட்-19 காரணமாக பயணத்திற்கான அனுமதி ரத்தான பின்னரும், அந்த நிறுவனங்கள் பணத்தை திரும்ப வழங்கவில்லை.
அதிகாரிகளின் எச்சரிக்கை
உரிமம் பெற்ற மற்றும் அங்கீகரிக்கப்பட்ட நிறுவனங்கள் மூலமாக மட்டுமே ஹஜ், உம்ரா விசா பெறவும்! சமூக ஊடக விளம்பரங்களை நம்பி பணம் செலுத்த வேண்டாம்! ஏற்கனவே புகார்கள் உள்ள நிறுவனங்களை சரிபார்க்கவும்!
📢 இது போன்ற அமீரக செய்திகளை தெரிந்து கொள்ள தொடர்ந்து இணைந்திருங்கள்
Also Read:
துபாய் ஈத் அல் பித்ர் விடுமுறை
ரமலான் இறுதி 10 நாட்கள்: முறையற்ற வாகன நிறுத்தத்திற்கு அபராதம்
சிங்கப்பூர் ஏர்லைன்ஸ்: பவர் பேங்க் சார்ஜ் புதிய விதிகள்!
