தங்குமிட வசதி வழங்கத் தவறிய 3 உம்ரா நிறுவனங்களை சவுதி ஹஜ் மற்றும் உம்ரா அமைச்சகம் இடைநீக்கம் (Umrah institutions suspended) செய்துள்ளது. முழு விவரம்
புனித உம்ரா பயணத்தை மேற்கொள்ளும் போது, நாம் தங்குமிட வசதிகளுக்காக சில நிறுவனங்களை நம்பிச் செல்கிறோம். ஆனால், சொன்ன வாக்கை காப்பாற்றாமல் யாத்திரிகர்களை நடுத்தெருவில் விட்டால் சும்மா இருக்குமா சவுதி அரசு? சமீபத்தில் நடந்த ஒரு அதிரடி நடவடிக்கை பற்றித்தான் இந்த பதிவில் பார்க்கப்போகிறோம்.
என்ன நடந்தது?
சவுதி அரேபியாவின் ஹஜ் மற்றும் உம்ரா அமைச்சகம் (Ministry of Hajj and Umrah) சமீபத்தில் மேற்கொண்ட அதிரடி சோதனையில், மூன்று முன்னணி உம்ரா சேவை நிறுவனங்கள் தங்கள் கடமையிலிருந்து தவறியது கண்டுபிடிக்கப்பட்டுள்ளது. யாத்திரிகர்களுக்கு ஒப்பந்தப்படி வழங்க வேண்டிய தங்குமிட வசதிகளை (Accommodation) இந்த நிறுவனங்கள் முறையாக வழங்கவில்லை என்பது உறுதியானது.
இதன் விளைவாக, அந்த மூன்று நிறுவனங்களின் உரிமங்களையும் தற்காலிகமாக ரத்து செய்து அமைச்சகம் உத்தரவிட்டுள்ளது. இது வெறும் ஆரம்பம்தான், இன்னும் பல அதிரடிகள் காத்திருக்கின்றன.
UAE vs இந்தியா: தங்கம் வாங்க சரியான சாய்ஸ் எது? ஒரு முழுமையான அலசல்!
Umrah Institutions Suspended
அமைச்சகத்தின் அதிரடி உத்தரவு
விதிமுறைகளை மீறிய நிறுவனங்களுக்கு எதிராக அமைச்சகம் எடுத்துள்ள முக்கிய முடிவுகள் இதோ:
- உடனடி தங்குமிடம்: பாதிக்கப்பட்ட யாத்திரிகர்களுக்கு எந்தவித தாமதமும் இன்றி உடனடியாக தற்றுப்பயண ஏற்பாடுகளையும் தங்குமிட வசதிகளையும் அந்த நிறுவனங்களே செய்து தர வேண்டும்.
- முகவர்கள் மீது நடவடிக்கை: இந்தத் தவறுக்குத் துணையாக இருந்த அல்லது அலட்சியமாகச் செயல்பட்ட வெளிநாட்டு முகவர்களுக்கு (Foreign Agents) எதிராகவும் சட்டரீதியான நடவடிக்கைகள் எடுக்க அமைச்சகம் முடிவு செய்துள்ளது.
- ஒழுங்குமுறை சீர்திருத்தம்: எதிர்காலத்தில் இதுபோன்ற கசப்பான அனுபவங்கள் யாத்திரிகர்களுக்கு ஏற்படக்கூடாது என்பதற்காக, தற்போதைய சட்ட விதிகளில் சில திருத்தங்களையும் அமைச்சகம் மேற்கொண்டுள்ளது.
நோன்பு நேரத்தில் பொதுவெளியில் உணவு உட்கொள்வதை தவிர்க்க குவைத் அரசு அறிவுறுத்தல்
யாத்திரிகர்களின் உரிமையே முதன்மை!
“யாத்திரிகர்களின் நலன் மற்றும் அவர்களின் உரிமைகள் பாதுகாக்கப்படுவதே எங்களது முதல் முன்னுரிமை” என்று அமைச்சகம் மிகத் தெளிவாகத் தெரிவித்துள்ளது. ஒப்பந்தத்தில் கூறப்பட்டுள்ள சேவைகளை வழங்குவதில் அலட்சியம் காட்டினால், அது எந்த பெரிய நிறுவனமாக இருந்தாலும் சரி, பாரபட்சமின்றி நடவடிக்கை எடுக்கப்படும் என்பது இந்தச் சம்பவத்தின் மூலம் உறுதியாகியுள்ளது.
சேவை நிறுவனங்களுக்கு விடுக்கப்பட்ட எச்சரிக்கை
அனைத்து உம்ரா சேவை வழங்குநர்களும் அங்கீகரிக்கப்பட்ட விதிமுறைகளை 100% பின்பற்ற வேண்டும். நேர்மையான முறையில் தங்கள் பொறுப்புகளை நிறைவேற்ற வேண்டும் என்றும், ஒப்பந்த மீறல்களை எந்தச் சூழலிலும் சகித்துக் கொள்ள முடியாது என்றும் சவுதி அரசு எச்சரித்துள்ளது.
எனவே, புனிதப் பயணமான ஹஜ் மற்றும் உம்ரா செல்பவர்கள் தங்களது பயண ஏற்பாடுகளைச் செய்யும் முன், அங்கீகரிக்கப்பட்ட மற்றும் நம்பகமான நிறுவனங்களைத் தேர்ந்தெடுப்பது அவசியம்.
Official Website Link: Ministry of Hajj and Umrah – Official Site
துபாய் மற்றும் பிற அமீரகங்கள் மற்றும் அரபு வளைகுடா நாடுகளின் வேலை வாய்ப்பு தகவல்கள், சட்டங்கள், வங்கிகள், கடன்கள், சேமிப்பு திட்டங்கள் போன்றவற்றை அறிந்து கொள்ள எங்களது கல்லாறு.காம் இணையதளத்தை தொடர்ந்து பாருங்கள்.