Will Rohit Sharma quit Mumbai Indians?
ரோஹித் சர்மா மும்பை அணியிலிருந்து விலகி, மற்ற ஐபிஎல் அணிகளுடன் இணையும் வாய்ப்புகள் அதிகரித்துள்ளதாக தகவல் வெளியாகியுள்ளது.
மும்பை இந்தியன்ஸ் அணியின் தலைவர் ரோஹித் சர்மா, ஐபிஎல் தொடரில் அஞ்சு முறை கோப்பையை வெல்ல உதவியவர். அவரின் சாமர்த்தியமான கேப்டன்சியால், மும்பை இந்தியன்ஸ் மிகப்பெரிய சாதனைகளை பதிவு செய்தது.
ஆனால், கடந்த சீசனில் நிலைமைகள் மாறின. மும்பை அணியின் கேப்டனாக ஹர்திக் பாண்டியா நியமிக்கப்பட்டதை அணி ரசிகர்கள் பெரிதும் விரும்பவில்லை. அத்துடன், அணி வீரர்களிடையே உத்வேகம் குறைந்ததும், அவர் எதிர்கொண்ட குடும்ப பிரச்சனைகளும் மும்பை அணியின் செயல்பாடுகளுக்கு பாதிப்பை ஏற்படுத்தின. இதனால், மும்பை அணி அந்த சீசனில் பிளே ஆஃப் சுற்றுக்குக்கூட செல்ல முடியாமல் கடைசி இடத்தில் முடிவுக்கு வந்தது.
தற்போது, 2025 ஐபிஎல் மெகா ஏலத்திற்கான பேச்சுவார்த்தைகள் சூடுபிடிக்கின்றன. மும்பை அணியின் முன்னாள் கேப்டன் ரோஹித் சர்மா அங்கிருந்து விலகக்கூடும் என்ற தகவல் பரவியுள்ள நிலையில், டெல்லி கேப்பிட்டல்ஸ், லக்னோ சூப்பர் ஜெயன்ட்ஸ், மற்றும் ராயல் சேலஞ்சர்ஸ் பெங்களூரு ஆகிய அணிகள் ரோஹித் சர்மாவை தங்களுடைய அணிக்கு சேர்க்க விருப்பம் காட்டுகின்றன.
இதற்காக, லக்னோ மற்றும் டெல்லி அணிகள் தலா ₹50 கோடி வரை ஒதுக்கீடு செய்துள்ளதாக அறிக்கைகள் தெரிவிக்கின்றன. மும்பை அணிக்குப் போதுமான இடம் மற்றும் ஆதாரத்தை ஏற்படுத்த முடியாவிட்டால், ரோஹித் சர்மாவை மீண்டும் ஆர்டிஎம் (Right to Match) மூலம் பெற முயற்சிக்க வாய்ப்புள்ளது.
அதேவேளை, ரோஹித் சர்மாவின் பிராண்ட் மதிப்பு தற்போது உச்சத்தில் உள்ளது, அவரை அணிக்கு இணைத்தால் பெரும் ரசிகர் கூட்டத்தை ஈர்க்கும் என்பதில் ஐபிஎல் அணிகள் உறுதியாக உள்ளன.
அதேசமயம், பெங்களூரு அணியில் டூ பிளசிஸ்-க்கு வயது ஆகிவிட்டது என்பதால், அவருக்குப் பதிலாக ரோஹித் சர்மாவை எடுத்துக்கொள்வது பெங்களூரு அணியின் திட்டமாகக் கூறப்படுகிறது. கோலி-ரோஹித் கூட்டணி ரசிகர்களிடையே பெரும் எதிர்பார்ப்பை உருவாக்கும் என்றுதான் பலர் கருதுகின்றனர்.
பஞ்சாப் கிங்ஸ் அணியில், ஷிகர் தவான் ஓய்வு பெறுவதால், அந்த அணியின் உரிமையாளர் பிரித்தி ஜிந்தா ரோஹித்தை அணியில் இணைக்க தீவிரமாக உள்ளார். எனவே, 2025 ஐபிஎல் மெகா ஏலத்தில், ரோஹித் சர்மாவை வாங்க ₹17 கோடிக்கு மேல் செலவிட வேண்டிய நிலை ஏற்படலாம் என்று கணிக்கப்படுகிறது.
இந்த ஏலத்தின் முடிவால், ரோஹித் சர்மா எந்த அணியில் இடம் பிடிப்பார் என்பதை காத்திருக்கிறார்கள் ஐபிஎல் ரசிகர்கள்.
Keywords: Mumbai Indians, Tamil Sports News, IPL 2024, IPL 2025, Mumbai Indians, Rohit Sharma Fans
அமீரக (Gulf Tamil News) செய்திகளை தமிழில் தெரிந்து கொள்ள Whatsapp Channel ல் இணைந்து கொள்ளுங்கள்.
