காலையில் வெறும் வயிற்றில் என்ன சாப்பிடலாம்? என்ன சாப்பிடக்கூடாது?

What to Eat and Avoid on an Empty Stomach in the Morning

காலையில் வெறும் வயிற்றில் என்ன சாப்பிடலாம்? என்ன சாப்பிடக்கூடாது என்பதை பற்றி இந்த பதிவில் தெளிவாக பார்ப்போம்

காலையில் கண் விழித்ததும் பெட் காபியுடன் தான் பலருக்கு அன்றைய பொழுது தொடங்குகிறது. உடல் எடையைக் குறைக்க நினைப்பவர்கள் வெறும் வயிற்றில் தண்ணீர் குடிப்பது, தேன் கலந்த வெந்நீர் அருந்துவது, மூலிகைச் சாறு அருந்துவது, பச்சை முட்டை குடிப்பது போன்றவற்றை முயற்சிக்கின்றனர். ஆனால் உண்மையில், காலையில் வெறும் வயிற்றில் என்ன சாப்பிடலாம், எவற்றை சாப்பிடக் கூடாது என்பதில் கவனம் செலுத்துவது மிக முக்கியம்.

உடல்நலனுக்கும் செரிமானத்துக்கும் முக்கியம்

நோய்கள் பல, நம் வயிற்றில் துவங்குகின்றன. மலச்சிக்கல், வயிறு எரிச்சல் போன்ற சிறிய பிரச்சினைகளும், மிக மோசமான பாதிப்புகளை ஏற்படுத்தலாம். மேலும், ‘ஹைட்ரோகுளோரிக் அமிலம்’ எனும் அமிலம் காலை நேரத்தில் அதிகமாக சுரக்கின்றது. இது முந்தைய நாள் உணவுடன் சேர்ந்து அசிடிட்டி பிரச்சினையை ஏற்படுத்தக்கூடும்.

சரியான காலை பழக்கங்கள்

நம் உடல் ஒரு நாள் முழுவதும் எவ்வாறு செயல்படப்போகிறது என்பதே, நாம் காலையில் வெறும் வயிற்றில் என்ன சாப்பிடுகிறோம் என்பதைப் பொறுத்தே உள்ளது. இந்த உணவு, உடல்நிலை மற்றும் சூழ்நிலையைப் பொறுத்து தேர்ந்தெடுக்கப்பட வேண்டும்.

வெறும் வயிற்றில் சாப்பிட வேண்டியவை

தண்ணீர்

ஒரு நாளைக்கு தேவையான தண்ணீரில் கால் பங்காவது, காலை எழுந்த உடனே அரை மணி நேரத்துக்குள் குடிக்க வேண்டும். சிலர் வெந்நீர் குடிப்பார்கள், ஆனால் குளிர்ந்த நீர்தான் சிறந்தது, ஏனெனில் இது அசிடிட்டியை குறைக்க உதவும்.

வெந்தயத் தண்ணீர்

வெந்தயம், சர்க்கரை நோய் மற்றும் உயர் ரத்த அழுத்தத்தை கட்டுப்படுத்த உதவும். முந்தைய நாள் இரவே வெந்தயத்தை குளிர்ந்த நீரில் ஊறவைத்து மறுநாள் காலை அதனை குடிக்க வேண்டும்.

அருகம்புல் சாறு

அல்சருக்கு சிறந்த மருந்து அருகம்புல் சாறு. வீட்டில் அரைத்து எடுத்து வெந்நீருடன் பருகுவது நல்லது.

வெள்ளைப்பூசணி சாறு

வெள்ளைப்பூசணி சாறு தொப்பை மற்றும் ஊளைச்சதை குறைக்க உதவும். மிளகுத்தூள் மற்றும் மஞ்சள்தூள் சேர்த்து குடிக்கலாம்.

இஞ்சிச் சாறு

இஞ்சித் தோலை நீக்கி, சாற்றுடன் தேன் கலந்து வெறும் வயிற்றில் குடிக்கலாம். இது தேவையில்லாத கொழுப்பைக் குறைக்கும்.

நீராகாரம்

கிராமங்களில் நீராகாரம் மற்றும் மோர் பருகுவது பழக்கம். இது உடலுக்கு குளிர்ச்சி தரும்.

நெல்லிக்காய்ச் சாறு

நெல்லிக்காய்ச் சாறு உடலின் நோய் எதிர்ப்புச் சக்தியை அதிகரிக்கும்.

வெறும் வயிற்றில் சாப்பிடக்கூடாதவை

இளநீர்

இளநீர் வெறும் வயிற்றில் குடிக்கக்கூடாது. இது வயிற்றில் புண்கள் ஏற்படுத்தும் அபாயம் உண்டு.

எலுமிச்சைச் சாறு

வெறும் வயிற்றில் எலுமிச்சைச் சாறு குடிக்கக்கூடாது. இது அசிடிட்டியை அதிகரிக்கும்.

பச்சை முட்டை

வெறும் வயிற்றில் பச்சை முட்டை குடிக்கக்கூடாது. இது செரிமானத்தை தாமதப்படுத்தி, ஊட்டச்சத்துக் குறைபாட்டை ஏற்படுத்தும்.

இந்த வழிமுறைகளை பின்பற்றுவதன் மூலம் உடல்நலத்தை மேம்படுத்தி, பல்வேறு செரிமான பிரச்சினைகளைத் தவிர்க்கலாம். உங்கள் உடல்நிலைக்கு ஏற்ப உகந்த உணவுகளை தேர்வு செய்வது மிகவும் முக்கியம்.

---

(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவாக இணையதளங்களில் கிடைக்கும் தகவல்களாகும். இவற்றைப் பயன்படுத்துவதற்கு முன், உங்கள் மருத்துவரின் ஆலோசனையை பெறுவது அவசியம். கல்லாறு மீடிய இந்த தகவல்களின் உண்மை தன்மையை உறுதிப்படுத்தவில்லை.)

Keywords: What to Eat and Avoid, health tips Tamil, Tamil Health Tips

ஆரோக்கியம் சம்மந்தமான தகவல்களை தமிழில் தெரிந்து கொள்ள Whatsapp Channel ல் இணைந்து கொள்ளுங்கள்.

Our Facebook Page

ALSO READ:
கண்களின் ஆரோக்கியத்திற்கான வழிமுறைகள்
தினசரி மாதுளம்பழம் சாப்பிடுவதால் கிடைக்கும் நன்மைகள்
சப்ஜா விதைகள்: சத்துக்கள் மற்றும் நன்மைகள்