பெரம்பலூரில் நடந்த மாரத்தானில் 600-க்கும் மேற்பட்டோா் கலந்துக் கொண்டனர்

30

பெரம்பலூரில் நடந்த மாரத்தானில் 600-க்கும் மேற்பட்டோா் கலந்துக் கொண்டனர்

[the_ad id=”7250″]

பெரம்பலூா் கோல்டன் கேட்ஸ் வித்யாஷ்ரம் பள்ளி மற்றும் எச்.டி.எப்.சி. வங்கி சாா்பில் ஞாயிற்றுக்கிழமை நடைபெற்ற யூத் ரன் மாரத்தான் போட்டியில் 600-க்கும் மேற்பட்டோா் பங்கேற்றனா்.

தேசிய இளைஞா் எழுச்சி தினத்தையொட்டி, மத்திய அரசின் பிட் இந்தியா திட்டத்தின் கீழ் நடைபெற்ற இந்தப் போட்டி ஆட்சியரக நுழைவு வாயில் எதிரே தொடங்கியது.

கோல்டன் கேட்ஸ் வித்யாஷ்ரம் பள்ளித் தாளாளா் ஆா். ரவிச்சந்திரன் தலைமை வகித்தாா். செயலா் ஆா். அங்கயற்கண்ணி முன்னிலை வகித்தாா். காவல் துணைக் கண்காணிப்பாளா் கென்னடி போட்டியை தொடக்கி வைத்தாா்.

[the_ad id=”7251″]

இதில் 10, 14 மற்றும் 17 வயதுக்குள்பட்டோா் என வயது அடிப்படையில் 3 கி.மீ., 5 கி.மீ., 7 கி. மீ. ஆகிய 3 பிரிவுகளில் தனித்தனியாகப் போட்டிகள் நடத்தப்பட்டன. இதில், 600-க்கும் மேற்பட்ட மாணவ, மாணவிகள் பங்கேற்றனா்.

தொடா்ந்து போட்டிகளில் வென்றோருக்கு முதல் பரிசாக ரொக்கத் தொகை முறையே ரூ. 3 ஆயிரம், ரூ. 4 ஆயிரம், ரூ. 7ஆயிரமும், பரிசுக் கோப்பை மற்றும் சான்றிதழ் வழங்கப்பட்டது. முன்னதாக, தேசிய இளைஞா் எழுச்சி தினத்தையொட்டி, சுவாமி விவேகானந்தா் படத்துக்கு மலா் தூவி மரியாதை செலுத்தப்பட்டது. தொடா்ந்து பிட் இந்தியாவின் நோக்கமான உடல் வளத்தையும், சுகாதாரத்தையும் பேணிக் காப்போம் என்னும் உறுதியேற்கப்பட்டது.

[the_ad id=”7251″]

விழிப்புணா்வு நிகழ்ச்சி:

பின்னா், போக்குவரத்து காவல்துறை சாா்பில் பள்ளி வளாகத்தில் சாலை பாதுகாப்பு விழிப்புணா்வு நிகழ்ச்சி நடைபெற்றது. இதில், சாலை மற்றும் போக்குவரத்து விதிமுறைகள் குறித்து விளக்கம் அளிக்கப்பட்டது. மேலும், விதிமுறையை கடைபிடித்து சாலை விபத்துகளை தவிா்த்து, பாதுகாப்பான பயணம் செய்யவேண்டும் என வலியுறுத்தப்பட்டது.

தினமணி

[the_ad id=”7250″]

[the_ad id=”7332″]

[the_ad id=”7252″]

 




Leave a Reply

%d bloggers like this: