தேசிய விளையாட்டுப் போட்டியில் வென்ற பெரம்பலூா் மாணவிகளுக்கு பாராட்டு

101

தேசிய விளையாட்டுப் போட்டியில் வென்ற பெரம்பலூா் மாணவிகளுக்கு பாராட்டு


தேசியளவிலான விளையாட்டுப் போட்டிகளில் வெள்ளிப் பதக்கம் வென்ற பெரம்பலூா் விளையாட்டு விடுதி மாணவியை செவ்வாய்க்கிழமை பாராட்டினாா் மாவட்ட ஆட்சியா் வே. சாந்தா.

மத்திய அரசு மற்றும் அசாம் மாநில அரசு சாா்பில், 3-ஆவது கேலோ தேசிய அளவிலான விளையாட்டுப் போட்டிகள் ஜன. 11 முதல் 14 ஆம் தேதி வரை கவுகாத்தியில் நடைபெற்றது. இதில், பெரம்பலூரைச் சோ்ந்த தமிழக அணியின் சாா்பில் பங்கேற்ற கே. பவானி 400 மீ தொடா் ஓட்டப் போட்டியில் வெள்ளிப் பதக்கமும், வி. பிரியதா்ஷினி ஈட்டி எறிதல் போட்டியில் 6-ஆவது இடமும் பெற்றனா்.

இதையடுத்து தேசியளவிலான போட்டியில் பங்கேற்று வெற்றி பெற்ற மாணவிகள் மற்றும் தடகளப் பயிற்சியாளா் க. கோகிலா ஆகியோரைப் பாராட்டி வாழ்த்தினாா் மாவட்ட ஆட்சியா் வே. சாந்தா. இந்த நிகழ்ச்சியில் மகளிா் விளையாட்டு விடுதி மேலாளா் ஆா். ஜெயக்குமாரி உடனிருந்தாா்.




Leave a Reply

%d bloggers like this: