Clove oil

பல் வலியை கட்டுப்படுத்தும் கிராம்பு எண்ணெய்!

126

பல் வலியை கட்டுப்படுத்தும் கிராம்பு எண்ணெய்! Clove oil to control toothache!

வலி வந்தாலே யாராலும் தாங்கிகொள்ள முடியாது அதுவும் பல் வலி அவ்வளவு பாடுபடுத்தும். பல் வலிக்கான காரணத்தை கண்டறிந்து சிகிச்சை அளித்தாலும் தாங்க முடியாத வலியின் தீவிரத்தை குறைக்க உடனடி வைத்தியத்தை தெரிந்துவைத்திருப்பது அவசியம்.

பல் வலிக்கு விரைவான தீர்வளிக்க விரும்பினால் கிராம்பு எண்ணெயை பயன்படுத்தலாம். இது நிச்சயம் உங்கள் வலியை குறைக்க கூடிய நிவாரண பொருளாக இருக்கும். இதை எப்படி பயன்படுத்துவது என்று பார்க்கலாம்.​

கிராம்பு எண்ணெய் பல் வலியை போக்குமா?

பலரும் கிராம்பு பயன்படுத்தினால் பல் வலி குணமாகும் என்று நினைத்துவிடுகிறார்கள். முதலில் நீங்கள் தெரிந்துகொள்ள வேண்டியது கிராம்பு அல்லது கிராம்பு எண்ணெய் இரண்டுமே பல்வலிக்கான காரணத்தை ஆராய்ந்து குணப்படுத்தும் தன்மை கொண்டிருக்காது.

ஆனால் பல் வலியின் தீவிரத்தை குறைக்க செய்யும். அதற்கு கிராம்பு எண்ணெய் சிறந்த தீர்வாக இருக்கும். பல் வலி இருக்கும் போது கிராம்பு எண்ணெய் பயன்படுத்துவதற்கான எளிய வழிகள் குறித்து பார்க்கலாம்.​

பல்வலிக்கு கிராம்பு எண்ணெய் எப்படி பயன்படுத்துவது

  • கிராம்பு எண்ணெய் அரை டீஸ்பூன் அளவு எடுத்து சுத்தமான பஞ்சில் எடுத்து வலி மிகுந்த பற்களுக்கு இடையில் வைக்கவும். அரை மணி நேரத்துக்கு ஒருமுறை இந்த காட்டனை மாற்றி வைக்கவும். வலி உபாதை அல்லது வலியின் தீவிரம் குறையும் வரை இதை வைக்கலாம். கிராம்பு எண்ணெய் வாசம் பற்களில் நன்றாக பட வேண்டும்.
  • கிராம்பு எண்ணெய் உணர்திறன் மிக்கதாக உங்கள் பற்கள் உணர்ந்தால் நீங்கள் கிராம்பு எண்ணெயுடன் ஒரு பங்கு ஆலிவ் எண்ணெய் சேர்த்து நீர்த்து போக செய்யவும். அதே போன்று ஒரு துளி தேங்காய் எண்ணெய் சேர்க்கலாம். இது பற்களின் சிதைவுக்கு காரணமாக இருக்கும் ஸ்ட்ரெப்டோகாக்கஸ் மற்றும் மியூட்டான்களுக்கு எதிரானதாக இருப்பதாக கண்டறியப்பட்டுள்ளது.​​

பல் ஈறுகளில் வலி

பல் வலி, சொத்தைப்பல், பல்லின் வேர்ப்பகுதியில் வலி என்று இருக்கும் போது கிராம்பு எண்ணெய் உதவகூடும். அதே போன்று பல் வலியானது ஈறுகளிலும் வலியை உண்டாக்கினால் கிராம்பு எண்ணெயை மெல்லிய துணியில் இலேசாக நனைத்து ஈற்களின் மீது தடவி விடவும். இது ஈறுகளின் மீதுள்ள வலியை குறைக்க செய்யும்.

கிராம்பு எண்ணெய் இல்லாத பட்சத்தில் நேரடியாக கிராம்பை வலி உள்ள பற்களின் மீது வைத்து எடுத்தால் வலி உபாதை குறையும். ஆனால் பல் வலியை பொறுத்தவரை கிராம்பு எண்ணெய் அல்லது கிராம்பு பொடியை பயன்படுத்துவதே சிறந்த வழி. கிராம்பு வைக்கும் போது வலி நிவாரணம் அடைய சிறிது நேரம் பிடிக்கலாம்.

​கிராம்பு எண்ணெய் எப்படி பல்வலியை குறைக்கிறது?

கிராம்புகளில் உள்ள முக்கியமான பொருள் யூஜெனோல் ஆகும். இது கிராம்பு எண்ணெய் மற்றும் இலவங்கப்பட்டை மற்றும் துளசி ஆகியவற்றில் உள்ள சிறந்த கலவை. இதுதான் கிராம்பின் நறுமணத்துக்கு காரணமாகிறது.

பல்வலிக்கு கிராம்பு எண்ணெய் பயன்படுத்தும் போது யூஜெனோல் வலியை குறைக்கும் வகையில் செயல்படுகிறது. மேலும் கிராம்பு எண்ணெய் வாய்வழி ஆரோக்கியத்துக்கு குறிப்பாக வாயில் இருக்கும் பாக்டீரியாக்களை எதிர்த்துப்போராட உதவுகிறது.

2011 ஆம் ஆண்டு ஆய்வின் படி, கிராம்பு எண்ணெய் என்பது இயற்கையான பாக்டீரியா எதிர்ப்பு குணங்களை கொண்டிருக்க கூடியதாக சொல்லப்படுகிறது. இது கரியோஜெனிக் மற்றும் பீரியண்டர்ல் நோய்க்கிருமி பாக்டீரியாக்களுக்கு எதிராக பாதுகாப்பை வழங்க செய்யும்.

பல்லில் நோய்த்தொற்றுதல் சீழ்கட்டுதல் அறிகுறிகள்,காரணங்கள், தீர்வுகள்!

2010 ஆம் ஆண்டு கிராம்பு எண்ணெய் பல் பூச்சிகளை உண்டாக்கும் ஐந்து நுண்ணுயிரிகளுக்கு எதிராக செயல்திறனை கொண்டிருப்பதாகவும் இது பல் அழுகலுக்கு சிறந்த தீர்வாகவும் இருப்பதாக கண்டறிந்தது.

பல் வலி இருக்கும் போது தீவிரமாக இருக்கும் போது கிராம்பு எண்ணெய் வலி உபாதையை குறைக்கும். அதே நேரம் பல் மருத்துவரை சந்தித்து பல் வலிக்கான காரணத்தை அறிந்து சிகிச்சை மேற்கொள்வதும் அவசியம்.

Soruce: tamil.samayam.com

Our facebook page

Keywords: Clove oil, Clove oil to control toothache! பல் வலி,




Leave a Reply

%d bloggers like this: