கீரைகளும் அதன் பயன்களும் தெரிந்து கொள்வோமா? Keraigalum Athan Payangalum.

கீரைகளும் அதன் பயன்களும் தெரிந்து கொள்வோமா? Keraigalum Athan Payangalum.

கீரைகள் உண்பதால் உடலுக்குப் பல நன்மைகள் கிடைக்கிறது. கீழே மூன்று வகையான கீரைகள், அதிலுள்ள சத்துகள் மற்றும் மருத்துவ பலன்களைப் பற்றிப் பார்க்கலாம்.

அகத்தி கீரை: Agathi Keerai

இந்த கீரையில் சுண்ணாம்புச் சத்து மற்றும் வைட்டமின் ஏ அதிகளவில் இருக்கிறது.

அகத்தி கீரையில் உள்ள மருத்துவ குணங்கள்: Agathi Keerai Benefits

• பால் சுரக்காத தாய்மார்கள் தொடர்ந்து அகத்திக் கீரையைச் சாப்பிட்டு வர நன்கு பால் சுரக்கும்.
• வயிற்றில் உள்ள புழுக்களை வெளியேற்றும் சக்தி இக்கீரைக்கு உண்டு. இதன்மூலம் மலச்சிக்கல் நீங்கும்.
• அகத்தி கீரையையும், மருதாணி இலையையும் சம அளவு எடுத்து நன்கு அரைத்து கால் வெடிப்புகளில் பற்றுப்போட்டால் வெடிப்புகள் மறையும்.
• உடம்பில் காணப்படும் தேமலுக்கு அகத்தி கீரையின் இலையை தேங்கா எண்ணெய்யில் வதக்கி, அதை விழுதாக அரைத்து பூசி வந்தால் தேமல் முற்றிலுமாக மறையும். அகத்தி கீரை சாற்றை சேற்று புண்களில் தடவி வர சேற்று புண்கள் விரைவில் ஆறிவிடும்.
• குழந்தைகளுக்கு நீர் கோர்த்துக் கொண்டால், இக்கீரையின் சாற்றை 5க்கு ஒரு பங்கு வீதம் தேன் கலந்து தலை உச்சியில் தடவினால் நீர்க்கோவை மறையும்.
• அகத்தி கீரையை வேக வைத்து அரைத்துக் காயங்களுக்கு கட்ட விரைவில் ஆறும்.
• அகத்திப் பூச்சாறை கண்களில் பிழிய கண்நோய் குணமாகும்.
• அகத்தி கீரை வயிற்றுப் புண் என்னும் நோயைக் குணப்படுத்தும். இதற்கு அகத்திக்கீரையை நன்றாக கழுவி இதில் 4 பங்கு சின்ன வெங்காயத்தை சேர்த்து அகத்திக்கீரை சூப் தயாரித்து தினமும் 1 வேளை குடிக்கலாம்.

முசுமுசுக்கை கீரை: Musumusukkai Keerai

இந்த முசுமுசுக்கை கீரையில் புரோட்டின், நார்சத்து, இரும்பு சத்து, கால்சியம் மற்றும் விட்டமின் ‘C’ ஆகியவை அதிகமாக உள்ளது.

முசுமுசுக்கை கீரையில் உள்ள மருத்துவ குணங்கள்: Musumusukkai Keerai benefits

• முசுமுசுக்கை கீரையை உணவில் சேர்த்து கொண்டால் சளி, கோழை, தும்மல், குறட்டை ஆகிய பிரச்சினைகள் சரியாகும்.
• முசுமுசுக்கையானது மூச்சுக் குழாயில் ஏற்படும் நோய் தொற்றுக்கு சிறந்த மருந்தாக பயன்படுகிறது.
• இந்தக் கீரையானது நோயால் பாதிக்கப்பட்ட உடலை வலுபெறச் செய்யும்.
• காய்ச்சலால் பாதிக்கபட்டவர்களின் நாவானது சுவையை இழந்திருக்கும். அப்படிப்பட்டவர்கள் முசுமுசுக்கை கீரையை உண்டால் நாவில் ஏற்பட்ட சுவையின்மை நீங்கும்.

முருங்கை கீரை: Murungai Keerai

முருங்கை கீரையில் இரும்பு, தாமிரம், சுண்ணாம்புச் சத்து ஆகியவை இருக்கின்றன.

முருங்கை கீரையில் உள்ள மருத்துவ குணங்கள்: Moringa leaves benefits

• இந்த இலைகளை நெய்யில் வதக்கி சாப்பிட்டால் ரத்த சோகை உள்ளவர்களின் உடம்பில் நல்ல ரத்தம் ஊறும்.
• பல் கெட்டிப் படும்.
• தோல் வியாதிகள் நீங்கும்.

அடுத்தடுத்த பதிவுகளில் மற்ற பிற கீரைவகைகளை பற்றி பார்ப்போம்.

எமது பேஸ்புக் பக்கம்

Keywords: Murungai Keerai, Moringa leaves, Agathi Keerai, Ahathi Keerai, Musumuskkai Keerai, Keraigalum Athan Payangalum