எலும்பு வலிமைக்கு கால்சியம் சத்து மிகுந்த உணவுகள்!

Elumbu Valimaikku Calcium sathu Miguntha Unavugal

எலும்புகள் ஆரோக்கியமாகவும் வலுவாகவும் இருக்க சித்த மருத்துவத்தில் பல பயனுள்ள முறைகள் உள்ளன. அவற்றை முழுமையாகப் பின்பற்றினால், எலும்புகள் பலப்படுவதுடன், உடல் நலனும் மேம்படும்.

1. கொள்ளு ரசம்:
   10 கிராம் கொள்ளுவுடன் மிளகு, சீரகம், கொத்தமல்லி, பூண்டு, புளி அல்லது தக்காளி சேர்த்து ரசமாகக் காய்ச்சி, தினமும் குடிக்கலாம். இது எலும்புகளை உறுதியாக்கி, தேவையற்ற கொழுப்பு மற்றும் சதையை குறைக்க உதவும்.
2. கால்சியம் நிறைந்த உணவுகள்:
   பால், தயிர், பாலாடைக்கட்டி, பீட்ரூட், எள், முட்டைக்கோஸ், பிராக்கோலி, திராட்சை, மாதுளை, முட்டை, மீன், கோழி, காடை, இறைச்சி போன்றவை எலும்புகளுக்கான முக்கிய கால்சியம் சத்து கொண்ட உணவுகள்.
3. கீரை வகைகள்:
   வெந்தயக்கீரை, முருங்கைக்கீரை, பாலக் கீரை, கொத்தமல்லி போன்ற கீரைகளில் கால்சியம் சத்து நிறைந்துள்ளது. அவற்றை உணவில் சேர்த்துக் கொள்ளலாம்.
4. அதிகாலை/மாலை நடைபயிற்சி:
   தினமும் அதிகாலை அல்லது மாலை நேரத்தில் சிறிது நேரம் வெயிலில் நடந்து வந்தால், உடலில் விட்டமின் டி சத்து உறிஞ்சும்.
5. லாக்டோஸ் இன்டாலரன்ஸ் உள்ளவர்களுக்கு:
   பாலுக்கு பதிலாக சோயா பால், பாதாம் பால், பீன்ஸ் போன்றவற்றை உணவில் சேர்த்துக் கொள்ளலாம். இவைகள் தினசரி தேவையான 1 கிராம் கால்சியத்தை உடலுக்கு வழங்கும்.
6. குங்குமப்பூ ஆயில்:
   1 கிராம் குங்குமப்பூவை 100 மில்லி தேங்காய் எண்ணெயில் கொதிக்க வைத்து வடிகட்டி, அதன் இரண்டு துளிகளை உட்கொண்டு, மாலை இளவெயிலில் நடைபயிற்சி செய்து வந்தால், உடலில் விட்டமின் டி சத்து எளிதில் உறிஞ்சும்.
7. எலும்பொட்டிக் கீரை:
   எலும்பொட்டிக் கீரையின் இலையை பாலுடன் அரைத்து, காலை, மாலை இருவேளையும் ஒரு நெல்லிக்காய் அளவு அளவில் உணவுக்கு முன்போ அல்லது பின்போ சாப்பிட்டு வர எலும்புகள் வலுவடையும்.
8. பிரண்டை தண்டு:
   பிரண்டையில் அதிகளவில் கால்சியம் மற்றும் பாஸ்பரஸ் உள்ளதால், அதனை புளியுடன் சேர்த்து, துவையல் செய்து சாப்பிட்டு வர வேண்டும்.
9. எலும்பு முறிவுக்குப் பின்பு:
   பிரண்டைச் சாறு, எலும்பொட்டிக் கீரைச் சாறு, மஞ்சிட்டி, சுக்கு, நல்லெண்ணெய் ஆகியவற்றை சேர்த்து காய்ச்சி, அது எண்ணெய் பதத்தில் மாறிய பின்பு, முறிவு உள்ள இடத்தில் தேய்த்து, துணியால் கட்டி வந்தால், எலும்புகள் விரைவில் கூடி, வலி, வீக்கம் குறையும்.
10. சித்த மருத்துவம்:
    பவள பற்பம், முத்துப் பற்பம், முத்துச் சிப்பி பற்பம், சங்கு பற்பம், பலகரை பற்பம் போன்றவை எலும்பு சார்ந்த பிரச்சனைகளுக்கு சிறந்த நிவாரணத்தை அளிக்கின்றன.

---

(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவாக இணையதளங்களில் கிடைக்கும் தகவல்களாகும். இவற்றைப் பயன்படுத்துவதற்கு முன், உங்கள் மருத்துவரின் ஆலோசனையை பெறுவது அவசியம். கல்லாறு மீடிய இந்த தகவல்களின் உண்மை தன்மையை உறுதிப்படுத்தவில்லை.)

Keywords: Elumbu Valimaikku, health tips Tamil, Tamil Health Tips

---

ஆரோக்கியம் சம்மந்தமான தகவல்களை தமிழில் தெரிந்து கொள்ள Whatsapp Channel ல் இணைந்து கொள்ளுங்கள்.

Our Facebook Page

ALSO READ:
ஏலக்காயின் அற்புத மருத்துவ நன்மைகள்
பிரீடயாபட்டீஸ்: உணவுக் கட்டுப்பாடு மற்றும் உடற்பயிற்சியின் முக்கியத்துவம்
கண்களின் ஆரோக்கியத்திற்கான வழிமுறைகள்