அரியலூாில் எல்.ஐ.சி. ஊழியா்கள் ஒரு மணி நேரம் பணி புறக்கணிப்பு.

64

[the_ad id=”7250″]

அரியலூாில் எல்.ஐ.சி. ஊழியா்கள் ஒரு மணி நேரம் பணி புறக்கணிப்பு.


மத்திய அரசின் அறிவிப்புக்கு எதிா்ப்புத் தெரிவித்து அரியலூா் எல்.ஐ.சி. ஊழியா்கள் ஒரு மணி நேரம் பணியைப் புறக்கணித்து அலுவலகம் முன்பு செவ்வாய்க்கிழமை ஆா்ப்பாட்டத்தில் ஈடுபட்டனா்.

மத்திய அரசு நிதிநிலை அறிக்கையில் எல்.ஐ.சி., பங்குகளை விற்று நிதி திரட்ட இருப்பதாகத் தெரிவிக்கப்பட்டது. இதற்கு எதிா்ப்புத் தெரிவித்து அரியலூா்,திருச்சி சாலையிலுள்ள எல்.ஐ.சி. அலுவலகத்தில் பணிபுரியும் ஊழியா்கள் செவ்வாய்க்கிழமை முற்பகல் 12 முதல் 1 மணி வரை பணிகளைப் புறக்கணித்து வளாகம் முன்பு ஆா்ப்பாட்டத்தில் ஈடுபட்டனா்.

[the_ad id=”7251″]

காப்பீடு ஊழியா் சங்கத் தலைவா் ஏ. செல்வி தலைமை வகித்தாா். எல்.ஐ.சி. முதல் நிலை அதிகாரிகள் சங்க நிா்வாகி டி. காா்த்திக்கேயன், வளா்ச்சி அதிகாரிகள் சங்க நிா்வாகி என். நந்தகுமாா்,அகில இந்திய லிகாய் சங்க நிா்வாகி எம். ராமலிங்கம் ஆகியோா் முன்னிலை வகித்தனா். 100-க்கும் மேற்பட்ட ஊழியா்கள் கலந்து கொண்டு மத்திய அரசுக்கு எதிராக முழக்கமிட்டனா்.

அகில இந்திய எல்.ஐ.சி. முகவா்கள் சங்கத்தினா் ஆா்ப்பாட்டம்… அரியலூா் எல்.ஐ.சி. அலுவலகம் முன் அகில இந்திய எல்.ஐ.சி. முகவா்கள் சங்கத்தினா் ஆா்ப்பாட்டத்தில் ஈடுபட்டனா்.

[the_ad id=”7251″]

ஆா்ப்பாட்டத்தில், எல்ஐசி உள்ள மத்திய அரசின் பங்குகளின் ஒரு பகுதியை விற்பனை செய்ய முடிவெடுத்துள்ள மத்திய அரசைக் கண்டித்தும், முகவா்களின் வாழ்வாதரத்தைச் சீரழிக்கும் ஆன்லைன் வா்த்தகம் நேரடி வா்த்தக முறையை கைவிட வேண்டும். ஜி.எஸ்.டி வரியை நீக்க வேண்டும். பாலிசிதாரா்களுக்கு போனஸ் தொகையை உயா்த்தி வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

சங்கத்தின் அரியலூா் கிளைச் செயலா் க. கிருஷ்ணன், ஜயங்கொண்டம் கிளைச் செயலா் அருமைக்கண்ணு ஆகியோா் தலைமை வகித்தனா். ஊழியா் சங்கச் செயலா் ராம்ஜி, எஸ்சி.,எஸ்.டி ஊழியா் சங்க நிா்வாகி சுகவனேஸ்வரன் ஆகியோா் முன்னிலை வகித்தனா். சங்க நிா்வாகிகள் முழக்கமிட்டனா்.

தினமணி

[the_ad id=”7251″]

[the_ad id=”7250″]

[the_ad id=”7252″]




Leave a Reply

%d bloggers like this: