தஞ்சை அருகே கல்லூரியில் மாணவர்கள் வி‌‌ஷம் குடித்து தற்கொலை முயற்சி

தஞ்சை அருகே கல்லூரியில் மாணவர்கள் வி‌‌ஷம் குடித்து தற்கொலை முயற்சி


ஒரத்தநாட்டை அடுத்துள்ள ஒக்கநாடு மேலையூரை சேர்ந்தவர் தங்கராசு. இவருடைய மகன் குருநாத்(வயது18). இவர் ஒரத்தநாடு அருகே உள்ள ஒரு தனியார் கல்லூரியில் பி.ஏ. படித்து வருகிறார். இவருடைய தந்தை தங்கராசு, தாயார் லதா ஆகியோர் கடந்த சில ஆண்டுகளுக்கு முன்பு இறந்து விட்டனர். இதனால் குருநாத்தை அவருடைய அண்ணன் படிக்க வைத்து வருகிறார்.

கண்ணந்தங்குடி கீழையூரை சேர்ந்த துரைக்கண்ணு மகன் சாமுவேல்(18). இவரும் குருநாத் படிக்கும் கல்லூரியில் படித்து வருகிறார். இருவரும் நண்பர்கள்.

இந்த நிலையில் குருநாத் தனக்கு தாய், தந்தை இல்லாததை பற்றியும், வறுமை நிலை குறித்தும் நண்பர் சாமுவேலுவிடம் அடிக்கடி கூறிவந்துள்ளார். நேற்று முன்தினம் காலையில் வழக்கம் போல் கல்லூரிக்கு சென்ற குருநாத் வகுப்பறையில் பூச்சி மருந்தை(வி‌‌ஷம்) குடித்து விட்டார். அப்போது அதை நேரில் பார்த்த நண்பர் சாமுவேல், குருநாத் கையில் மீதமிருந்த பூச்சி மருந்தை பறித்து அவரும் குடித்ததாக தெரிகிறது.

இதை தொடர்ந்து அவர்களை சக மாணவர்கள் மற்றும் ஆசிரியர்கள் மீட்டு ஒரத்தநாடு அரசு மருத்துவமனையில் சேர்த்தனர். அங்கு அவர்கள் சிகிச்சை பெற்றனர். இதுகுறித்து ஒரத்தநாடு போலீசார் விசாரணை நடத்தி வருகின்றனர்.

தினத்தந்தி

தஞ்சை மாவட்ட செய்திகள்




Leave a Reply

%d bloggers like this: