கல்வித்தரத்தில் தமிழகத்துக்கு 2வது இடமாம்…

கல்வித்தரத்தில் தமிழகத்துக்கு 2வது இடமாம்…


2016 – 17ம் கல்வி ஆண்டுக்கான தேசிய அளவிலான பள்ளிக்கல்வித் தரவரிசைப் பட்டியலில் தமிழகத்துக்கு 2வது இடம் கிடைத்துள்ளது. கேரளா முதலிடத்தையும், உ.பி., கடைசி இடத்தையும் பிடித்துள்ளன.

நாட்டில் உள்ள மாநிலங்களின் கல்வித்தரத்தை ஆய்வு செய்து நிதி ஆயோக் அறிக்கை வெளியிட்டுள்ளது. மாணவர்களின் தேர்ச்சி விகிதம், பள்ளிகளின் வசதிகள், ஆசிரியர் – மாணவர் விகிதம் உள்ளிட்ட 44 காரணிகளை அடிப்படையாக கொண்டு இப்பட்டியல் தயாரிக்கப்பட்டுள்ளது.

2016 – 17ம் கல்வி ஆண்டுக்கு வெளியிடப்பட்டுள்ள தரவரிசை பட்டியலில், 76.6% மதிப்பெண் பெற்ற கேரளா முதலிடம் பிடித்துள்ளது. 73.4% மதிப்பெண் பெற்ற தமிழகத்துக்கு 2வது இடம் கிடைத்துள்ளது. 2015 – 16ல் தமிழகம் 63.2% மதிப்பெண் மட்டுமே பெற்றிருந்தது.

36.4% மதிப்பெண் பெற்றுள்ள உ.பி., கடைசி இடம் பிடித்துள்ளது. அதற்கு முந்தைய இடங்களை பீகார், ஜார்கண்ட் மாநிலங்கள் பிடித்துள்ளன. 3வது இடத்திலிருந்த மஹாராஷ்டிரா தற்போது 6வது இடத்திற்கும், 5வது இடத்திலிருந்த கர்நாடகா 13வது இடத்திற்கும் தள்ளப்பட்டுள்ளன. ஆந்திரா 11வது இடத்திலும், காஷ்மீர் 16வது இடத்திலும் உள்ளன. மதிப்பீடு செய்ய மறுப்பு தெரிவித்த மேற்கு வங்க மாநிலம் இப்பட்டியலில் சேர்க்கப்படவில்லை.




Leave a Reply

%d bloggers like this: